მთაწმინდა ქართველი ადამიანის ცნობიერებაში ყველაზე საუკეთესო და წმინდა ფიქრებს აღძრავს. მადლობა უფალს რომ დღეს გაჩნდა დიდი სურვილი და უკვე გეგმა და მოცემულობა არსებობს იმის, რომ მთამინდა მიეხედოს, მხედველობაში მაქვს არა მხოლოდ მონასტერსა და ეკლესიას, არამედ მთლიანად, ამ მთელ, მთის სისტემათა დამამთავრებელ ადგილს, სადაც ვფიქრობ, ჩვენ თუკი ამ გეგმის განხორციელებას შევძლებთ, წინ გადავდგავთ ნაბიჯს როგორც ჩვენი ესთეტიური განვითარებისა, ასევე კულტურისა და ასევე ყველა იმ საქმისა რითაც ერი უნდა იყოს გამორჩეული. მე ვლოცავ ყველას, ვის გონებაშიც დაიბადა ეს ბრწყინვალე იდეა, ჩვენი ამ წმინდა მთის კულტურულ სივრცეში ჩართვისა და ვთხოვ უფალს, რომ ყველაფერი პროფესიონალურ, მაღალ დონეზე დაამთავროთ, რაც თქვენ ჩაიფიქრეთ.